Tá an banna ceoil Kneecap ag ullmhú faoi láthair do thréimhse ghnóthach atá ag tosú acu ag deireadh na míosa.
Beidh ceolchoirm i gCiarraí agus Baile Átha Cliath agus racaidh an banna ó Bhéal Feirste ar aghaidh chuig an Ríocht Aontaithe.
Beidh na seónna i mBaile Átha Cliath ag tosú anocht agus ag críochnú ar Aoine 1 Samhain, le seó ar siúl ar Oíche Shamhna fiú.
Bhí ceithre ceolchoirm pleanáilte ag Kneecap sa phríomhcathair, ach tar éis éileamh an-mhór ar na ticéid, d’fhógair an banna oíche amháin eile.
Dhíol an oíche breise amach i naoi noiméid.
Ag scríobh ar a mheán sóisialta, dúirt an banna:
“Grma to the 8,000 fenians coming – see yis all soon.”
Tá neart le céiliúradh ag Kneecap faoi láthair. Tháinig a bpríomhscannán amach ag deireadh an tsamhraidh le áitheas ollmhór – d’fhógair an IFTA gur piocadh an scannán mar iontráil na hÉireann do chatagóir na Scannán Lánfhada Idirnáisiúnta sna hOscars.
Ó thaobh cheoil de, chríochnaigh a thuras timpeall na Stáit Aontaithe i Meán Fómhair agus, cé nach bhfuil an dótháin á dheanamh acu, d’fhógair an banna a thuras san Astráil agus Nua-Shéalainn an tEarrach seo chugainn.
Is léir go bhfuil an banna ag dul ó neart go neart, agus go bhfuil suim mór ann le feiceáil d’ealaíontóirí Gaelacha agus ceol i nGaeilge.
